ABS kompaniyada chegirilmaydigan xarajatni yuzaga keltirgan chet el valyutasidagi majburiyat mavjud. Ushbu majburiyat boʻyicha yuzaga kelgan kurs farqidan zarar chegirilmaydimi?

Ushbu savol soliq qonunchiligidagi boʻshliqni koʻrsatadi va ikki xil yondashuvdagi javobni keltirib chiqaradi.

A Pozitsiya. Kurs farqi xarajatning oʻzi emas, majburiyatni qayta baholash natijasi. U 320-moddada alohida obyekt sifatida koʻrsatilgan. 317-moddadagi chegirilmaydigan xarajatlar roʻyxatida “chegirilmaydigan xarajatdan kelib chiqqan majburiyat boʻyicha kurs farqi” degan band yoʻq. Kompaniya oʻsha majburiyatni haqiqiy pul bilan, haqiqiy kurs boʻyicha soʻndiradi. Bu real iqtisodiy yoʻqotish. Shuning uchun chegirilishi kerak.

B Pozitsiya. 305-moddaning testi barcha xarajatlarga, shu jumladan kurs farqiga ham tegishli. Agar asosiy xarajat daromad olishga qaratilgan faoliyat bilan bogʻliq boʻlmagani uchun chegirilmasa, undan kelib chiqqan majburiyat ham oʻsha faoliyat bilan bogʻliq emas. Demak, kurs farqi ham iqtisodiy oqlanganlik testidan oʻtmaydi.