Молиявий ҳисоб ҳам, бошқарув ҳисоби ҳам компаниянинг бир хил иқтисодий ҳодисалари билан иш кўради. Фарқ шундаки, улар бу ҳодисаларга турли мақсадларда ва турли нуқтаи назардан ёндашади. Масалан, маҳсулот бирлигининг таннархини аниқлаш бошқарув ҳисоби вазифаси ҳисобланса, ишлаб чиқарилган ва сотилган маҳсулотнинг умумий таннархи ҳақида ҳисобот бериш молиявий ҳисоб доирасига киради.

Бундан ташқари, ҳар иккала йўналиш ҳам бир хил талабга бўйсунади, яъни компаниянинг иқтисодий ҳодисалари миқдорий кўринишга (пул ифодасига) келтирилиши ва манфаатдор томонларга етказилиши шарт. Бундан мақсад — маълумотни баҳолаш ва уни фойдаланувчига тушунарли шаклда тақдим этишдир.

Ҳисоботлардан ким фойдаланади?